Сабиибзэр зэтезыгъэувэхэр

IэщIагъэ IэкIуэлъакIуагъкIэ «Учитель дефектолог 2025» Урысейпсо зэпеуэм и хэгъуэгу Iыхьэр Къэрэшей-Черкес Республикэм егъэджакIуэхэм я щIэныгъэм здыхагъахъуэ институтым щекIуэкIащ. Зэпеуэм хэтащ сабийм и псэлъэкIэр зэтеухуэным хуэунэтIауэ лажьэ логопед, дефектолог егъэджакIуих.Къапщтэмэ, кIуэ пэтми мыпхуэдэ IэщIагъэрылажьэхэм я дэIэпыкъуэгъу хуэныкъуэхэм я бжыгъэм хохъуэ. Ахэр ядоIэпыкъу сабий мыпсалъэхэм, макъхэр зыхуэмыгъэIухэм. Нэхъыбэу апхуэдэ IэщIагъэрылажьэхэр щолажьэ еджакIуих.

Къапщтэмэ, кIуэ пэтми мыпхуэдэ IэщIагъэрылажьэхэм я дэIэпыкъуэгъу хуэныкъуэхэм я бжыгъэм хохъуэ. Ахэр ядоIэпыкъу сабий мыпсалъэхэм, макъхэр зыхуэмыгъэIухэм. Нэхъыбэу апхуэдэ IэщIагъэрылажьэхэр щолажьэ еджапIэ хэхахэм, сабий IыгъыпIэхэм. Мы зэпеуэм и мыхьэнэ нэхъыщхьэр апхуэдэ егъэджакIуэхэм я IэщIагъэ IэкIуэлъакIуагъым хэгъэхъуэн, я пщIэр къэIэтын, гъэгушхуэнращ.

Зэпеуэм хэтхэм КъЧР-м егъэджэныгъэмрэ щIэныгъэмрэкIэ и министрым къыбгъэдэкIыу фIэхъус ярихащ гъэсэныгъэ лэжьыгъэмкIэ, гуэдзэ егъэджэныгъэмрэ сабийхэм я хуитыныгъэхэр хъумэнымрэкIэ Министерствэм и къудамэм и унафэщI Гербековэ Гоккэ. — Логопедхэм я зэпеуэр ди хэгъуэгум илъэс ещанэ хъуащ зэрыщедгъэкIуэкIрэ. ИкIи нэрылъагъу мэхъу ди егъэджакIуэхэм я лэжьыгъэ купщIафIэр. Абы къызыкъуах зэфIэкIымрэ зэчиймрэ телъыджэщ. Нэгъэсауэ Урысейпсо утыкуми зыкъыщагъэлъэгъуэф. Ноби си фIэщ мэхъу зэпеуэм хэт егъэджакIуэхэм я IэщIагъэмкIэ ябгъэдэлъ зэхэщIыкI лъагэр наIуэ къызэращIыфынур, федеральнэ утыкуми щIыхь пылъу ди республикэр къызэрыщагъэлъэгъуэнур.

Сабийм и псэлъэкIэм елэжь IэщIагъэрылажьэм и мыхьэнэр къэлъытэгъуейщ.Фэ сэбэп фахуохъу гулъытэ хуэныкъуэ сабийхэм, абыхэм я дунейр яхувогъэдахэ, я псэукIэр ивогъэфIакIуэ.Фи лэжьыгъэм гурэ-псэкIэ фыбгъэдохьэри, абы папщIэ фIыщIэ мыухыж! — жиIащ Гербеновэ Гоккэ.

А махуэм егъэджакIуэхэм наIуэ къащIащ я лэжьыгъэм къыщагъэсэбэп Iэмалхэр, сабийм къыхуагъуэт бгъэдыхьэкIэхэр. Ахэр видео нэтынкIэ жюрим и пащхьэм къыщагъэлъэгъуащ.ИужькIэ, я IэщIагъэм теухуауэ къыхрагъэха упщIэхэм я жэуапхэри ятыжащ.Зэпеуэм и кIэм жюрим нэхъыфIыр игъэбелджылащ. Апхуэдэу, «Илъэсым и логопед» номинацэмкIэ нэхъыфI дыдэу къалъытащ Черкесск къалэм дэт 31-нэ сабий IыгъыпIэм и логопед Кречетовэ Светланэ. ЕтIуанэ увыпIэр — Лэтокъуэ Гуащнагъуэ и цIэр зезыхьэ еджапIэ-интернатым и егъэджакIуэ Каракотовэ Замирэ. Ещанэр — Черкесск дэт «Аленушка» сабий IыгъыпIэм щылажьэ Иуан Еленэ иратащ. «Дефектолог нэхъыфI» номинацэмкIэ япэ увыпIэр Черкесск къалэм дэт, фIыуэ зэхэзымыххэм, зи тхьэкIумэ щыщIахэм яхухэха коррекционнэ еджапIэм и егъэджакIуэ Атуовэ Зорумхъан къихьащ. ЕтIуанэ увыпIэр — «Журавлик» сабий IыгъыпIэм и лэжьакIуэ Бондаренко Дарья, ещанэр — «Сказка» сабий IыгъыпIэм и егъэджакIуэ Джанибековэ Лилие сымэ ялъысащ.

ЕгъэджэныгъэмкIэ хэгъуэгум и Министерствэм къыбгъэдэкIыу, щIыхь тхылъыр щIыгъуу, къахьа щIыпIэм елъытауэ зэщхьэщыхуауэ псоми ахъшэ тыгъи хуагъэфэщащ. Хэгъуэгу Iыхьэм япэ увыпIэр къыщызыхьахэр мы гъэм федеральнэ зэпеуэми хэтынущ.

БОРЭНЫКЪУЭ Мадинэ