Псыр — псапэу

КъыкIэлъыкIуэ псапащIэ гулъэр — псы къабзэ тонни 9-рэ шхыныгъуэ зэхуэмыдэхэмрэ — СВО-м щыIэ ди зауэлIхэм хуау-тIыпщащ. Псы къабзэ зэрыхуэныкъуэмкIэ ди республикэм хъыбар кърагъэщIащ 34-нэ бгы-мотострелковэ бригадэм хэт ди зауэлIхэм.
«Зыуэ щыт Урысей» хэгъуэгу партым апхуэдэ лъэIу къыщыIэрыхьэм, УФ-м ФедерацэмкIэ и Советым и комитетым и тхьэмадэм и къуэдзэ Бондарев Викторрэ сенатор Къэзэнокъуэ Кърымрэ я дэIэпыкъуэгъуу, ар къызэрагъэпэщащ.
— «Зыуэ щыт Урысей» хэгъуэгу къудамэм зыкъыхуагъэзащ Урысейм и бзылъхугъэхэм я зэгухьэныгъэм хэт хьэрычэтыщIэ гупым. Абыхэм ди зауэлIхэм шхыныгъуэхэмрэ зыхуэныкъуэ хьэпшыпхэмрэ хуагъэхьэзырыххэти, псым къызэры-щIэлъэIуар къыдахьэлIащ. Ди сенаторхэм я фIыщIэкIэ, ар псынщIэу къызэдгъэпэщащ.
Псым къинэмыщIауэ, едгъэшэнущ еджапIэхэм зэхуахьэсу къытхуаша шхыныгъуэхэмрэ хьэпшыпхэмрэ. Абыхэм ящIыгъущ ди сабийхэм къабгъэдэкI, зауэлI хахуэхэм яхуэгъэза тхыгъэ гуапэхэри, — къыджиIащ КъЧР-м и ЦIыхубэ ЗэIущIэм (Парламентым) и депутат, «Женское движение Единой России» федеральнэ проектым и хэгъуэгу координатор Къардэн Фатимэ.
АМИРОКЪУЭ Мадинэ