Псы Iуфэхэр ягъэбыдэ

Къэрэшей районым хыхьэ Хъумэрэ къуажэм щаухащ Псыжь и ижьырабгъу Iуфэр зыгъэбыдэ, километр 1,93-рэ зи кIыхьагъ дамбэр капитальнэу зэгъэзэхуэжыныр.

Лэжьыгъэхэм я Iыхьэ нэхъыщхьэр 2024 гъэм зэфIагъэкIащ «Защита от наводнений и иных негативных воздействий вод и обеспечение безопасности гидротехнических сооружений» федеральнэ проектым и къэухьхэм иту. Хъумэрэ къуажэр исщ бгылъэ щIыпIэм. Мыбдежым Псыжь уэрщ, псом хуэмыдэу гъатхэ псы къиугъуэм. Псым дамбэр щIыпIэ-щIыпIэкIэрэ къигъэтIэсхъат, гъуанэ хъуат, псыр къыпхрыкIт. Зыми имейм хуэдэу къэна, тхылъкIэ зыми емыгъэбыдылIа псэуалъэр нэхъ пасэу щIаплъыкIати, IэщIагъэлIхэм белджылы ящIащ абы и процент 70-р зэхъуэкIын хуейуэ жьы зэрыхъуар. Илъэс 15-м щIигъукIэ зэгъэзэхуэжыныгъэ лэжьыгъэ абдежым щрагъэкIуэкIатэкъым. Капитальнэ зэгъэзэхуэжыныгъэр нэхъ Iей хъуа щIыпIищым щрагъэкIуэкIым дамбэр ягъэбыдащ мывэ щыкъуейхэмрэ мывэ къутахуэ инхэмрэкIэ, гъущI-бетон плитэхэмкIэ. — ИрагъэкIуэкIа лэжьыгъэхэм я фIыгъэкIэ псыдзэхэм ящыхъума хъуащ Хъумэрэ къуажэм и псэупIэ уни 104-рэ, пщIантIэхэр, хадэхэр зыхиубыдэ щIыналъэр, социальнэ псэуалъэхэр. ЦIыху 500-м щIигъум я псэукIэр нэхъ тынш хъуащ, — къыхигъэщащ Росводресурсым и унафэщIым и къуэдзэ Сологуб Наталье. Абы къинэмыщIауэ, 2024 гъэм Къэрэшей-Черкесым пIалъэр къэмысу щаухащ Лабэшхуэ Iус Предгорнэ къуажэмрэ Уарп Iус Уарп къуажэмрэ я псы Iуфэхэр капитальнэу гъэбыдэныр.