ПщIантIэхэр егъэфIэкIуэным

ЧЕРКЕССК КЪАЛЭМ И ПАРКОВЭ уэрамым тет, зи № 5а
пщIантIэм дэт сабий джэгупIэр нэгъуэщI щIыпIэ ягъэIэпхъуэнущ, абы и лъэгум илъ хьэфэри пкъыгъуэ тыншкIэ
зэрахъуэкIынущ. Абы папщIэ къалэ власть къулыкъухэм гуэдзэ сметэр щIаплъыкI.
АтIэ, Парковэ уэрамым тет, зи № 5а, 7, 9 унэхэм щыпсэухэр арэзы техъуэкъым я пщIантIэхэр къызэрызэгъэпэщам, езыхэм къамычэнджэща планымкIэ зэраухуэм.
ИпэкIэ КъЧР-м и ОНФ-м зэрызэхигъэкIамкIэ:

ПщIантIэхэр зэгъэзэхуэжыныр къыхалъытащ хэгъуэгу, щIыпIэ бюджетхэм.

Япэ щIыкIэ къыхалъхьауэ щыта бюджетым кIэрагъэхужащ, абы къыхэкIыу, текIуэдэнум и сметэми зихъуэжащ.
КъЧР-м и ЦIыхубэ Фронтым зэIущIэ къызэригъэпэщащ Черкесск къалэ администрацэмрэ пщIантIэхэм щыпсэухэмрэ хэту. Иужьым, упщIэ, лъэпощхьэпо псори къыхалъытэкIэрэ, зэпсэлъапIэ зэIущIэ ирагъэкIуэкIащ.
А псом иужь, пщIантIэр къиплъыхьащ Черкесск къалэм и мэр Баскаев Алексей.
Сыт а псоми къыпэкIуар?
УпщIэ зыбжанэмкIэ зэгурыIуахэщ:
— жыгыжь итар паупщIри дашащ,
— сметэщIэмкIэ зэгуроIуэ, сабий джэгупIэр нэгъуэщI
щIыпIэ гъэIэпхъуэным ехьэлIауэ, абы и лъэгум хьэфэщIэ
илъхьэнымкIэ.
НэгъуэщI къыхэлъхьэныгъэмкIэ, транспорт увыпIэщIэ къыхэгъэкIынымкIэ упщIэм — йолэжьхэ — мэриемрэ подрядчикымрэ къалъыхъуэ резерв лъэкIыныгъэхэр.

Гу зэрылъытапхъэщи, мы унэхэм щIэсхэр хьэзырщ я пщIантIэхэр зэрагъэзэхуэным жыджэру хэлэжьыхьыну.
КъЧР-м и ОНФ-м мы упщIэр адэкIи и нэIэм щIигъэтынущ, власть къулыкъухэмрэ
жылагъуэмрэ зэпищIэнущ. ЗэрыжаIэу, зэгъусэмэ, сытри ялъэкIынущ!