Хьэбэз районым къат куэду зэтет унищ щаухуэ. Абыхэм, псори зэхэту, метр зэбгъузэнатІэ 2150-рэ къызэщІаубыдэ. УнитІыр щаухуэ Беслъэней къуажэм. Мы зэманым лэжьыгъэхэр зэпымыууэ йокІуэкІ. Псори зэхэту унитІым къызэщІаубыдэ метр зэбгъузэнатІэ 1408,5-м фэтэр 29-рэ хэтынущ. Ахэр псэупІэщІэ яхуэхъунущ нэрыбгэ 75-м. КъинэмыщІауэ, ПсэукІэ-Дахэ къуажэми къату зэтет зы унэ щаухуэ. Абы нэрыбгэ 56-рэ дяпэкІэ зыщыпсэуну фэтэр 16 хэтынущ. Къату зэтет мы унэхэм я ухуэныгъэм и лъабжьэщ «Обеспечение устойчивого сокращения непригодного для проживания жилищного фонда КЧР на 2023-2026 годы» зи фІэщыгъэцІэ хэгъуэгу программэр. Мы пІалъэм ехъулІэу ухуэныгъэм епха лэжьыгъэхэр тІу иращІыкІащ. ДяпэкІэ къапэщытщ унащхьэр телъхьэныр, унэ кІуэцІхэр къищІыкІыныр, Іэхэлъахэр зэгъэзэхуэжыныр. КъинэмыщІауэ, программэм теткІэрэ, 2024 гъэм унагъуэ 41-м (цІыхуи 142-м) псэупІэ къращэхун папщІэ сом мелуани 112-рэ иратащ. Ар траухуащ жьы хъуа, ущыпсэуным темыгъэпсыхьыжа унэхэм къыщІэкІыу, щІыпІэ зэхуэмыдэхэм псэупІэщІэхэр къыщащэхуным, абыхэм куэшыжыным.
Больше на Черкес хэку
Подпишитесь, чтобы получать последние записи по электронной почте.
