СВО-м хэтхэм, ветеранхэм ятеухуа «Герои Карачаево-Черкесии» программэм пащэкІэрэ, республикэм щрагъэжьащ абы и етІуанэ Іыхьэм и лэжьыгъэр.
ИпэкІэ, КъЧР-м и Іэтащхьэ Темрезов Рэшид хэгъуэгум щІалэгъуалэ ІуэхухэмкІэ и министр Тоторкулов Ибрэхьим къалэн щищІащ программэм хэтыну дэтхэнэми гулъытэ тегъэчына ирагъэгъуэтыну. Мыхьэнэ хэха иІэщ дэтхэнэми и упщІэм жэуап етыным, зыхуейм хуэгъэзэным. «Ахэр дэркІэ ЛІыхъужь дыдэщ. Абыхэм зэуапІэхэм хахуагъэрэ гуеигъэрэ къызэрыщагъэлъагъуэм къыщымынэу, икІи къэгъэщІыныгъэ гукъыдэж яІэщ, сабийхэм я къэкІуэнум хуэухуэну, нэхъыжьхэр гулъытэкІэ къаухъуреихьыну хьэзырщ, Хэкуми я лъахэми фІылъагъуныгъэшхуэ хуаІэщ.
Фигу къэзгъэкІыжынщи, «Герои Карачаево-Черкесии» хэгъуэгу программэр «Время героев» федеральнэ программэм и пыщакІуэщ. Ар зи жэрдэмыр УФ-м и Президент Путин Владимирщ. Программэм зи кІэн къыщикІхэм унафэщІ ІэнатІэ лъагэхэмкІэ резервым хагъыхьэнущ, ирагъэджэнущ, къэрал дэфтэр къратынущ», — щетх ТГ- каналым хэгъуэгум и Іэтащхьэм.
Нэхъ гъунэгъуу Іуэхум зыщывгъэгъуэзэфынущ https:// geroikchr.ru/ сайтым, е 8 (988)719-72-21 телефонымкІэ, е geroikchr@mail. ru.
КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
