Ищхъэрэ – Кавказ хэгъуэгум и тхыдэм щыяпэрейуэ, ди хэкуэгъу, лъэпкъэгъу профессор, мэкъумэшхъызмэт щIэныгъэхэмкIэ доктор, Урысей Федерацэмрэ Къэрэшей-Черкес Республикэмрэ щIэныгъэмкIэ щIыхь зиIэ я лэжьакIуэ ЩОХЪУЖЬ Анатолэ ФоIэд и къуэр зи пашэ щIэныгъэлI гупыр Урысей Федерацэм и Правительствэм пщIэшхуэ зиIэу ит саугъэт лъапIэм и лауреат хъуащ. ПщIэ лъагэ зиIэ саугъэтыр дауэдапщэ иным щIэту Москва къалэм Щохъужь Анатолэ (сурэтым щыволъагъу) къыщыхуигъэфэщащ Урысей Федерацэм и Правительствэм и тхьэмадэ Мишустин Михаил.
«Сыхуохъуахъуэ ФоIэд и къуэ Анатолии, зыдэлэжьа гупми къалъэща щIыхь нагъыщэ лъагэмкIэ! Апхуэдэ къыхэлъхьэныгъэхэм я фIыгъэкIэ Урысейм и ерыскъыхэкI щхьэхуитыныгъэр быдэ мэхъу, йофIакIуэ. Фыздынэсам фыкъыщымыувыIэну, узыншагъэкIэ, гукъыдэжкIэ, Хэкум и ефIэкIуэныгъэм папщIэ щIэныгъэ къэхутэныгъэхэр къэвгъэщIыну сывохъуэхъу!» — щитхащ социальнэ зэпыщIэныгъэхэм КъэрэшейЧеркес Республикэм и Iэтащхьэ Темрезов Рэшид, ди хэкуэгъум ехъуэхъукIэрэ.
ЩIэныгъэрылажьэхэр къыхагъэщащ былымыл къыдэкIыным хэгъэхъуэнымкIэ ягуэщIа лэжьыгъэм папщIэ, апщыгъуэми лы зыщI щIыдэлъху лIэужьыгъуэхэр къагъэсэбэпу, селекцэ-генетическэ Iэмалхэр зыхэт комплекс бэзыр я лъабжьэу, щIэныгъэрэ техническэ я лъэныкъуэкIэрэ къагъэщIа бгъэдыхьэкIэхэм папщIэ. ЩIэныгъэлI гупым хэтхэм я ехъулIэныгъэхэр узыфIэмыкIыжынщ. Я цIэ къиIуапхъэщ лауреат хъуахэм. Абыхэм ящыщщ хэгъуэгуми къэралми щыцIэрыIуэ, щIэныгъэмрэ практикэмрэ кIэ Iуэхузехьэ щэджащэхэр: РАН-м щIэныгъэхэмкIэ докторхэу, профессорхэу, академикхэу Амерханов Харон, Клименко Александр; мэкъумэшхъызмэт щIэныгъэхэмкIэ докторхэу Кулинцев Валерий, Суров Александр, Дубовсковэ Маринэ, Погодаев Владимир; биологие щIэныгъэхэм я доктор Криворучко Александр, Скорых Ларисэ, апхуэдэуи, практикэм и лIыкIуэ — «Де-Густо» мэкъумэшхъызмэт производствэ племенной репродуктор кооперативым и пашэ Дзицоевэ Риммэ сымэ.
Междисциплинарнэ бгъэдыхьэкIэр, апхуэдэуи щIэныгъэмрэ производствэмрэ я союзымрэ я лъабжьэу, абыхэм къагъэщIащ бэз, иджырей къызэгъэпэщыныгъэтехнологическэ бгъэдыхьэкIэхэр къыхэлъытауэ, Ищхъэрэ Кавказ, Ипщэ, Приволжскэ федеральнэ хэгъуэгухэм къыщыдагъэкI былымылым хэгъэхъуэным хуэгъэзауэ. Абы лъабжьэ хуащIар щIэныгъэлIхэм я илъэс бжыгъэ къэхутэныгъэхэращ, лы куэду зыщI унагъуэ Iэщышхуэм и генетическэ лъэкIыныгъэхэм я лъэныкъуэхэр егъэфIэкIуэным хуэунэтIауэ, хьэпшып маточнэ хъушэхэр къэгъэщIыныр, лы зыщI Iэщыр, хъушэхэр гъэшхэнымкIэ мащIэ зытекIуадэ технологиехэр зэхэгъэувэныр.
Больше на Черкес хэку
Подпишитесь, чтобы получать последние записи по электронной почте.
