Лэжьыгъэ IуэхукIэ Къэрэшей-Черкесым къеблэгъащ Урысейм и Президентым и полномочнэ лIыкIуэу СКФО-м щыIэ ЧАЙКА Юрий. ЛъэныкъуитI зэIущIэм къриубыдэу хьэщIэмрэ ди хэгъуэгум и лIыщхьэмрэ къытеувыIащ республикэм и социальноэкономическэ зыужьыныгъэм.
«Урысей Федерацэм и Президент Путин Владимир, УФ-м и Правительствэм я дэIэпыкъуныгъэхэм, зыужьыныгъэм хуэгъэзауэ дгъэзащIэ ди программэхэм я фIыщIэкIэ, ди хэгъуэгум зэкIэлъыхьауэ щагъэзащIэ къэухь ин зиIэ проектхэр, экономикэр гъэбыдэным, социальнэ, инженер инфраструктурэм я зыужьыныгъэм, ехъулIэныгъэхэмрэ цIыхухэм я щыIэкIэ-псэукIэр егъэфIэкIуэнымрэ хуэгъэзауэ. Дытепсэлъыхьащ мы илъэсым къриубыдэу хэгъуэгум игъуэта социально-экономическэ зыужьыныгъэхэм, гъэлъэгъуэныгъэхэм, нобэкIэ гъэзэщIа хъуа лъэпкъ проектхэм, федеральнэ, хэгъуэгу программэхэм, япэ игъэщыпхъэ къалэнхэм, мы илъэсым икIэм нэгъунэ зэфIэхын хуейхэм. Гулъытэ хэха едгъэгъуэ тащ Къэрэшей-Черкесым дежкIэ стратегическэу щыт проектхэм, инфраструктурэм и зыужьыныгъэм, инвестицэ къешэлIэнымрэ хэгъуэгум и экономическэ къэкIуэнум зегъэубгъунымрэ. Щхьэхуэу щIэтплъыкIащ СВО-м щыIэ ди къулыкъущIэхэмрэ абыхэм я унагъуэхэмрэ ядгъэгъуэт дэIэпыкъуныгъэхэр. Юрий Яковлевич къыхигъэщащ дэIэпыкъуныгъэ псори зэгъэуIуауэ абыхэм ялъэгъэIэсыным мыхьэнэшхуэ зэриIэр, абыхэм ящыщу медицинэ щIэплъыкIыныгъэхэм, реабилитацэм, социальнэ упщIэхэр зэфIэхыным», — щитхащ ди хэгъуэгум и лIыщхьэм социальнэ зэпыщIэныгъэхэм. КъинэмыщIауэ, Темрезов Рэшид полномочнэ лIыкIуэр щигъэгъуэзащ фокIадэм (сентябрым) и 18-20 махуэхэм екIуэкIыну хэхыныгъэ Iуэхугъуэхэм хэгъуэгум зэрызыхуигъэхьэзырым. Къыхигъэщащ хэхыныгъэ хабзэкъэгъэщIыр гъэзэщIа хъунымкIэ къулыкъущIапIэ псори зэрызэдэлажьэр. «ФIыщIэ хуэсщIащ Юрий Яковлевич Къэрэшей-Чер кес Республикэм и зыужьыныгъэм пыщIа упщIэхэмкIэ хэгъуэгум къыхуищI гулъытэм, ди пщэ илъ, зэфIэтхын хуей къалэнхэр гъэзэщIэнымкIэ полпредым къыбгъэдэкI дэIэпыкъуны гъэхэм папщIэ. Пытщэнущ зэдэтщIэ лэжьыгъэм, зыхуэдгъэувыжа къалэнхэр зэкIэлъыгъэкIуауэ зэдгъэхъулIэн, зэфIэтхын, республикэм зедгъэужьын папщIэ.
Больше на Черкес хэку
Подпишитесь, чтобы получать последние записи по электронной почте.
