Къэрэшей-Черкесымрэ Ставрополь къалэм дэт Россельхозбанк дзей зэгухьэныгъэмрэ агропромышленнэ комплексым зегъэужьынымкIэ я зэдэлэжьэныгъэр ягъэбыдэ.
Мы Iуэхум нэхъ убгъуауэ ирипсэлъэну зэIущIэ зэдрагъэкIуэкIащ Россельхозбанкым и Ставрополь къудамэм и унафэщI Сенокосов Алексейрэ КъЧР-м мэкъумэш хъызмэтымкIэ и министр Биджиев Умаррэ.
ЗэIущIэм хэтащ хэгъуэгум мэкъумэш хъызмэтымкIэ и министрым и къуэдзэ Слюсаренко Александрэ, Россельхозбанкым и гуэдзэ хэщIапIэу — хыхьэхэкIым зегъэужьынымкIэ Къэрэшей — Черкесым щылажьэ Купсэм и унафэщI Шрамм Еленэ сымэ.
Биджиев Умар хьэщIэхэр щигъэгъуэзащ ди хэгъуэгум и мэкъумэш хъызмэтым зэрызрагъэужь кIуэрабгъу нэхъыщхьэхэмрэ дяпэкIэ зэфIахыну къапэщылъ Iуэхугъуэхэмрэ. Министрым къы-хигъэщащ агропромышленнэ комплексым и фIагъыр къэIэта хъунымкIэ аграрнэ къулыкъухэм, банкхэмрэ хы-хьэхэкIымрэ я къару зэхалъхьэу зэдэлэжьэным мыхьэнэшхуэ зэриIэр.
Ставрополь Россельхозбанкым и унафэщIым и гуапэу къыдиIыгъащ министрым и гупсысэр икIи жриIащ адэкIи зэкъуэту зэдэлажьэмэ зэрыфIэфIыр.
ЗэIущIэм хэтахэм гулъытэ хуащIащ мэкъумэшыщIэ-хэр зыхуэныкъуапэ дэIэпыкъуныгъэр зэрылажьэ щIыкIэм — хуэгъэкIуэтэныгъэ (льготнэ) кредитым.
Мы гъэм а кредит лІэужьыгъуэмкІэ щIэхрэ псынщIэу ятыпхъэ субсидиехэм хуэдэ къыхэлъытауэ щытынущ икIи ар нэсынущ сом мелуан 81,45-м.
НобэкIэ банк 14-м хуитыныгъэ иратащ апхуэдэ IэмалкIэ ахъшэ ятыну, Рос-сельхозбанкым къыбгъэдэкIыу лъэIу тхылъи 8 ирагъэхьагъэххэщ.
Зыгъэхьэзырар ЛЫХЬ Тимурщ
Больше на Черкес хэку
Подпишитесь, чтобы получать последние записи по электронной почте.
