АБАЗЭ РАЙОНЫМ хыхьэ Инжыдж-КIыкIун къуажэм щыщ Джуджухэ Руслан Псэбыдэ и къуэр граждан лIыхъужьыгъэмрэ хэкупсагъэмрэ я щапхъэщ. Псом япэу, лIыхъужьыгъэр ар – псэемыблэж хущIэкъуныгъэщ, быдагъэщ. Езыр хэт лIыхъужьу къэплъытэ хъунур? Ар лIыгъэ зыхэлъ Iуэхухэр зылэжь, нэгъуэщIхэм папщIэ зи псэ щымысхь цIыхуращ. ЛIыхъужьхэр дэ къытхэтщ, дэ къытхэкIащ. Джуджухэ Руслан илъэс 14 хъуауэ контракт къулыкъукIэ Хэкур ехъумэ. Зауэ операцэ хэхар зэрыщIидзэрэ, ар абы щыIэщ, ди мамыр уэгум и къэрэгъулщ.
И лIыгъэм къыпэкIуауэ, Руслан къыхуагъэфэщащ къыкIэлъыкIуэ медалхэр: «За отличие в службе» (е 3-нэ нагъыщэ), «За проявленную доблесть» (е 3-нэ нагъыщэ), «За службу на Кавказе». 2023 гъэм и гъатхэпэм къратащ «Участнику специальной военной операции» фэеплъ медалыр, а гъэ дыдэм и шыщхьэIум Урысей Федерацэм и Президентым и унафэкIэ къыхуагъэфэщащ «Жуков и медалыр». Апхуэдэщ Псэбыдэ и къуэ Руслан и гъащIэ гъуэгур зэрыунэтIар. Ар щапхъэ ирокъу щIалэгъуалэмкIэ, абы ныбжьыщIэхэмкIэ нэрылъагъу ещI контракт къулыкъур цIыхум зыкъигъэлъэгъуэн щхьэкIэ игъуэт лъэкIыныгъэ къудейуэ къэмынэу, пщIэшхуэ зыхэлъ Iуэхууи зэ рыщытыр.
Абы и гъащIэр зи къэралым и лIыхъужьыгъэ тхыдэм щыщ Iыхьэ, къэралым и щхьэхуитыныгъэм и хъумакIуэ, урысей армэм и хабзэ нэхъыфIхэм пызыщэ цIыху хъуну хуейхэмкIэ къыхуеджэныгъэщ. Тхьэ долъэIу абы узыншэу икIи щIэхыу къигъэзэжыну!
Больше на Черкес хэку
Подпишитесь, чтобы получать последние записи по электронной почте.
