Черкесск къалэм щрагъэжьащ Iуэхугъуэ дахэр – музыкэмрэ щIэныгъэмрэкIэ «Выше звука» фестивалыр къызэIуахащ. Мы гъэм ар етхуанэу ирагъэкIуэкI. Фестивалым япэ ут хуэхъуар республикэм и къэрал филармониеращ. Абдеж урысей, хамэщI щыщ музыкант зэчиифIэхэм я концерт щызэхэтащ. ЖыIэпхъэщи, «Выше звука» фестивалым гъуазджэр, щIэныгъэр зыми емыщхьу зэпещIэ.
Абы и тхыдэр къыщежьар Къэрэшей-Черкесым дежщ, 2022 гъэм. ИкIи а пIалъэм къриубыдэу Урысей псом фестивалым гу щылъатащ, гъэщIэгъуэн ящыхъуащ. Мыбдеж музыкэр дызэса концерт пэшхэм я гъунапкъэхэм йокI: щIыуэпс, тхыдэ хъугъуэфIыгъуэхэр щэнхабзэ программэм и Iыхьэ мэхъу.
Проектыр ягъэзащIэ щэнхабзэмкIэ жэрдэмхэм я Президент фондымрэ Къэрэшей-Черкесым щэнхабзэм кIэ и Министерствэмрэ я дэIэпыкъуныгъэ хэлъу. Фестивалыр шыщхьэIум (августым) и 26-м пщIондэ екIуэкIынущ. Абы къызэщIиубыдэнущ оркестр, камернэ, уэрэд пшыхьхэр. Абыхэм ящыщщ «Архъыз» зыгъэпсэхупIэм щекIуэкIынури. Фестивалым и гъэщIэгъуэнагъыр зыхэлъыр абы ипкъ иту пасэрей щэнхабзэмрэ иджырей зэманым щыIэ макъамэмрэ щIэныгъэмрэ зэрызэхаухуанэращ.
Зыгъэхьэзырар ЧЫРБЫЖ Иринэщ
Больше на Черкес хэку
Подпишитесь, чтобы получать последние записи по электронной почте.
