«Хэкум и хъумакIуэхэр» сурэтыр ТекIуэныгъэм и Махуэшхуэм и теплъэгъуэ хъуащ. «ПщIэ зыхуэсщI си хэкуэгъухэ! Сыгушхуэу сывдогуашэ хъыбарыфIкIэ: Къэ рэшей-Черкесым щыщ сурэтыщI Авиловэ Татьянэ лауреат хъуащ «Защитники Отечества. Победа в единстве» Къэралыбэ зэпеуэм, етIуанэ увыпIэр къыщилъэщкIэрэ. Ар яхэтащ зи ныбжьыр илъэс 18-м нэхърэ нэхъыжьхэр зыхэта гупым. Иджы абы и творческэ лэжьыгъэр — хэкупсагъэкIэ, Хэку фIылъагъуныгъэкIэ гъэнщIар, лIыхъужьхэм фIыщIэ зэрыхуащIыр къызыхэщыр, щIэблэ куэдым я хъумакIуэхэм, хыхьащ коллекцэ теплъэгъуэхэм накъыгъэм и 9 Махуэшхуэм траухуахэм», — итхащ КъЧР-м и Iэтащхьэ Темрезов Рэшид.
Зэпеуэр къызэригъэпэщащ ТекIуэныгъэм и Музеймрэ «Защитники Отечества» Фондымрэ. Абы хэтащ автор мин 25-м щIигъу. Жюрим къыхихащ фIым я нэхъыфI лэжьыгъэ пщыкIутху, абыхэм яхэхуащ ди хэкуэгъу сурэтыщI зэчиифIэри. «Дрогушхуэ Татьянэ! Абы и теплъэгъуэм къыхэщыр сурэтыщIым и зэчий закъуэракъым, атIэ, Хэкум и и тхыдэр куууэ зэрищIэр уегъэлъагъу. Зы сурэтым щызэхуэхьэсащ лъэхъэнэ зэхуэмыдэхэм я зауэлIхэм я теплъэр, къагъэлъагъуэ лIыхъужьыгъэр зэрызэIэпахыр, Хэкум и хъумакIуэ щIэблэхэм я зэпыщIэныгъэр. Ди хэкуэгъум и лэжьыгъэ уасэншэми, нэгъуэщIу зэпеуэм хэта сурэтхэми фыщеплъыфынущ ТекIуэныгъэм и Музейм и сайтым», — щитхащ КъЧР-м и Iэтащхьэм МАХ-каналым
Больше на Черкес хэку
Подпишитесь, чтобы получать последние записи по электронной почте.
