ТекIуэныгъэ Иным и махуэм хуэкIуэу республикэм щекIуэкIа Iуэхугъуэ хэIэтыкIахэм языхэзщ, къыхэгъэщыпхъэу зыхуэфащэщ Бэвыкъуэ къуажэм дэт «Родина-Мать» фэеплъ-мемориалым «МафIэ мыужьых» мафIащхьэр зэрыщыпагъэнар.
Iуэхур къызэрымыкIуэ ищIащ мафIэ дэпыр Москва къалэм, Александровскэ жыг хадэм, «Могила Неизвестного Солдата» фэеплъ щIыпIэм щыпагъанэу къызэрырахьэжьар. ИкIи ар къэралым и дэнэ хэгъуэгуи нахьэсащ, Къэрэшей-Черкесри абыхэм ящыщу.
Фэеплъ Iуэхум хэтащ власть къулыкъущIэхэр, IэщIагъэлI зэхуэмыдэхэр, щIыуэпс гъуэз фэеплъ мафIащхьэр пыгъэнэнымкIэ жэ-
уаплыгъэр зыбгъэдэлъа «Газпром межрегионгаз Черкесск»-м и генеральнэ унафэщIыр, щIалэгъуалэр, еджакIуэхэр. «Совет сэлэтым и лIыгъэмрэ псэемыблэжыныгъэмрэ я нагъыщэ мы Мемориалым республикэм щыпсэу дэтхэнэми и гум щIыпIэ хэха щеубыд, мыужьых мафIэу щоблэ, ди цIыхубэм и гуеигъэр ену дигу къигъэкIыжу», — щитхащ социальнэ зэпыщIэныгъэхэм КъЧР-м и Iэтащхьэм. «МафIэ мыужьых»-м и мафIащхьэр пыгъэнэныр щIыпIэ зэхуэмыдэхэм щекIуэкIащ, «Храним огонь Победы» Урысейпсо проектыр и лъабжьэу, УФ-м и Президентым и Унафэм тету.
ШЫБЗЫХЪУЭ Ирэ
Больше на Черкес хэку
Подпишитесь, чтобы получать последние записи по электронной почте.
