Бэралъкъы къуажэм дэт курыт еджапIэм хэкупсэ дауэдапщэ щрагъэкIуэкIащ. Абдеж СВО-м лIыхъужьыгъэ хэлъу щыIа,
Хэкур хъумэным и псэр щIэзыта ЖАМБЭЧ Iэуес и фэеплъыр ягъэщыпкъэу «Парта героя» къыхузэIуахащ.
Мы Iуэхугъуэм къеблэгъащ Адыгэ-Хьэблэ район администрацэм и Iэтащхьэм и къалэнхэр зыгъэзащIэ Астэжь Мыхъутар,
районым егъэджэныгъэмкIэ и къудамэм и унафэщI Банэхэ Иринэ, Апсуа къуажэм и Iэтащхьэ КIуж Ануар, «Защитники Отечества» фондым и социальнэ координатор Шыбзыхъуэ Тамарэ сымэ. Жамбэч Iэуес Мухьэдин и къуэр 1988
гъэм Бэралъкъы къуажэм къыщыхъуащ. 2023 гъэм мобилизацэкIэ зауэ операцэ хэхар здекIуэкI щIыпIэм яшащ. ЩIалэр
СВО-м къыщыхута япэ махуэхэм щыщIэдзауэ лIыгъэрэ хахуагъэрэ зэрыхэлъыр къигъэлъэгъуащ. Iэуес сыт щыгъуи машинэухуэныгъэм, механикэм дихьэхт икIи и псэм къищтэ а Iуэхугъуэр зауэми къыщигъэсэбэпащ. ЩIалэм зауэм щыIэ техникэр ищIыжт. ИщIыжым къыщымынэу, езым ищIауэ щытащ машинэхэр здыпхымыкIыф щIыпIэ быркъуэшыркъуэхэм щызекIуэф техникэ гъэщIэгъуэни. Жагъуэ зэрыхъущи, 2024 гъэм и мазае мазэм и зауэлI къалэнхэр игъэзащIэу Запорожскэ областым и псэр щитащ. Урысей Федерацэм и Президентым и УнафэкIэ, лIыгъэрэ хахуагъэрэ къигъэ лъагъуэу и зауэлI къалэнхэр зэригъэзэщIам папщIэ ЛIыхъужьыгъэм и Орденыр (дунейм ехыжа нэужь) къыхуагъэфэщащ.
ЧЫРБЫЖ Иринэ
Больше на Черкес хэку
Подпишитесь, чтобы получать последние записи по электронной почте.
