ЩIышылэм и 22-м Хьэбэз районым хыхьэ Ботэщей къуажэм дэт, Совет Союзым и
ЛIыхъужь Хьэбэч Умар и цIэр зезыхьэ курыт еджапIэм и пэшышхуэм «Героями не
рождаются, героями становятся» лIыхъужьыгъэм и дерсыр щрагъэкIуэкIащ.
Сабийхэм хэкупсэ уэрэдхэр жаIащ, усэхэм къеджащ, къызэгъэпэщакIуэхэм ягъэ-
хьэзыра теплъэгъуэхэм я фIыщIэкIэ Хэкур хъумэным къикIыр еджакIуэ цIыкIухэм
зыхрагъэщIащ. 2022 гъэм мазаем и 24-м Урысей Федерацэм Украинэм деж зауэ операцэ хэхар щри-
гъэжьауэ щытащ. Ар къызыхэкIа щхьэусыгъуэр, кIэщIу жыпIэмэ, зэпхауэ щытар ди къэралым
и зэкъуэтыныгъэм, щыпсэу цIыхухэм я шына гъуэншагъэм, щхьэхуиту унафэ зыхуищIыжын
щытыкIэм хамэ къэралхэр «къепIэскIу» зэпыт зэрыхъуарат.
Хэкупсэ — лъэпкъыпсэ гъэсэныгъэм хуэгъэзауэ къызэрагъэпэща, мыхьэнэшхуэ зиIа мы
дауэдапщэр гъэхьэзырыным хэлэжьыхьащ еджапIэм и унафэщIым УВР-мкIэ и къуэдзэ Лъху-
къуэщауэ Баблинэ, СДК-м унафэщI Тамбий Фатимэ, егъэджакIуэ-библиотекарь Мамбэт Фа-
тимэ сымэ. Дэтхэнэми я фIыщIэр къыхагъэщащ.
Больше на Черкес хэку
Подпишитесь, чтобы получать последние записи по электронной почте.
