Къэрэшей-Черкесым лэжьапIэншэхэр нэхъ мащIэ, лэжьапIэ IэнатIэхэр нэхъыбэ щыхъуащ. ГуащIэдэкI утыкум зыужьыныгъэ иIэщ. Экономикэ и лъэныкъуэкIэ жыджэру щыт цIыхухэм ящыщу лэжьапIэншэхэр 2024 гъэм и дыгъэгъазэм и 31-м ехъулIэу процент 0,7-м икIри, процент 0,4-м нэсащ. Апхуэдэ гъэлъэгъуэныгъэхэр республикэм иджы япэу щынэрылъагъущ. КъЧР-м цIыхухэм лэжьапIэ къахуэгъуэтынымкIэ и къулыкъум къатегъэ псыхьа лэжьапIэ лъыхъуэу зыкъыхуагъэзащ цIыху 7630-м, ар процент 26,5-кIэ нэхъ мащIэщ абы ипэ ита илъэсым и апхуэдэ пIалъэм щыIам нэхърэ. ЛэжьапIэ лъыхъуэу къэлъэIуахэм я процент 55,9-м (цIыху 4263-м) IэнатIэ къыхуагъуэтащ. Абы ипэ ита илъэсым къыдэкIуахэри хэту, 2024 гъэм лэжьапIэ IэнатIэ хуиту щыIащ 16 139-рэ, ар процент 71,3-кIэ нэхъыбэщ абы ипэ гъэм и апхуэдэ пIалъэм щыIа гъэлъэгъуэныгъэм нэхърэ. ГуащIэдэкI утыкум щыIэ щытыкIэ ткIийр къэтIэсхъащ, 2023 гъэм и апхуэдэ пIалъэм елъытауэ, нэгъабэ лэжьапIэншагъэр процент 0,9-м икIри, процент 0,4-м нэсу ехащ. Къэрэшей-Черкесым и гуащIэдэкI утыкум щыIэ щытыкIэр йофIакIуэ. ЛэжьапIэншэхэр нэхъ мащIэ, лэжьапIэ IэнатIэ хуитхэр нэхъыбэ зэрыхъум къегъэлъагъуэ хэгъуэгум и экономикэм зэрызиужьыр, лэжьапIэ IэнатIэщIэхэр къызэрызэрагъэпэщыр, цIыхухэм я псэукIэр зэрефIакIуэр.
Больше на Черкес хэку
Подпишитесь, чтобы получать последние записи по электронной почте.
