Лэжьыгъэ IуэхукIэ зэIущIащ Къэрэшей-Черкес Республикэм и Iэтащхьэ Темрезов Рэшидрэ Урысей Федерацэм и Къэрал Думэм Къэрэшей-Черкес Республикэм къыбгъэдэкIыу хэт депутат Узденов Солтанрэ.
«Депутат пщэрылъхэр игъэзащIэкIэрэ, Узденов Солтан мы тхьэмахуэм къриубыдэу хэгъуэгум лэжьыгъэ щызэфIех. Дытепсэлъыхьащ республикэм и социальноэкономикэ зыужьыныгъэм ехьэлIа упщIэхэм, цIыхухэм я щыIэкIэ – псэукIэр егъэфIэкIуэнымкIэ дгъэкIуэтэн хуей Iуэхухэм, абыхэм япкъ итуи хэгъуэгумрэ Къэрал Думэм и депутатхэмрэ я зэдэлэжьэныгъэ купщIафIэр къызэдгъэпэщкIэрэ. Гулъытэ щхьэхуэ едгъэгъуэтащ Лъэпкъ проектхэмрэ федеральнэ программэхэмрэ гъэзэщIэным, уеблэмэ Къэрэшей-Черкесыр профильнэ программэхэмрэ проектхэмрэ зэрыхэтыр нэхъыбэ щIыным. АтIэ, ар къалэн пажэу УФ-м и Президент Путин Владимир къытхуигъэувхэм ящыщщ. Апхуэдэщ Лъэпкъ проектхэр дгъэзэщIэныр, СВО-м зи хэкупсэ пщэрылъхэр щызыгъэзащIэ къулыкъущIэхэм защIэгъэкъуэныр, щIалэгъуалэм хэкупсэ гъэсэныгъэ ядегъэкIуэкIыныр, гъащIэм и социальнэ лъэныкъуэгъазэм зегъэужьыныр, къуажэхэр, жылагъуэхэр егъэфIэкIуэныр, хьэрткъурт быдэхэр гъэкIуэдынымкIэ лэжьыгъэр гъэкIуэтэныр, щIыуэпсыр хъумэныр, нэгъуэщIхэри. Узденов Солтан и лэжьыгъэ жыджэрыр, зэгъусэу зэдедгъэкIуэкI Iуэхухэр щхьэпэнущ ехъулIэныгъэ хэлъу зыхуэдгъэувыжа пщэрылъхэр дгъэзэщIэным, нэхъыщхьэр аращи, цIыху къэс зыгъэпIейтейр зэфIэтхыным. Апхуэдэу фIагъ лъагэ хэлъу ди пщэрылъхэр зэрызэфIэтхыфым я хэлъхьэныгъэ къызэрымыкIуэ хэлъщ УФ-м ФедерацэмкIэ и Советым и пашэ Матвиенко Валентинэрэ УФ-м и Къэрал Думэм и тхьэмадэ Володин Вячеславрэ, езы депутатхэм я лэжьыгъэ гуащIэ иныр.
Больше на Черкес хэку
Подпишитесь, чтобы получать последние записи по электронной почте.
