МОСКВА. КъЧР-м и Іэтащхьэ Темрезов Рэшид ІущІащ Урысейм щІэныгъэхэмкІэ и академием и Президент, РАН-м и академик Красников Геннадий.
Лъэныкъуэхэр тепсэлъыхьащ Къэрэшей-Черкесым и щІэныгъэ лъэкІыныгъэхэм, республикэм и щІэныгъэтехнологическэ зыужьыныгъэм хуэкІуэу академиемрэ хэгъуэгумрэ дяпэкІэ яку дэлъыну зэдэлэжьэныгъэм. Темрезов Рэшид Красников Геннадии академием и щІэныгъэрылажьэ гупми яхъуэхъуащ IуэхущIапIэм 2024 гъэм игъэлъэпІа и илъэс 300-м и щІыхькІэ.
КъЧР-м и Іэтащхьэм къызэрыхигъэщащи, «…егъэлеигъэншэу, щІэныгъэхэмкІэ Урысей академиер щІэнгъуазэ къэхутэныгъэ лэжьыгъэхэм я лъабжьэгъэтІылъщ икІи къэралым и зыужьыныгъэмкІэ мыхьэнэ ин иІэщ, технологие, экономикэ, социальнэ, щІэнхабзэ я лъэныкъуэкІэ ипэкІэ кІуэтэ ным щхьэпэу». ЗэІущІэм къриубыдэу лъэныкъуитІыр ирипсэлъащ хэгъуэгумрэ академиемрэ я зэдэлэжьэныгъэр зыхуаунэтІынум. Апхуэдэщ социально-экономикэ зыужьыныгъэр, абы къриубыдэу егъэджэныгъэр, промышленностыр, щІэныгъэр, программэ, проект щхьэхуэхэр. Апхуэдэ мурадкІэ, Урысейм щІэныгъэхэмрэ технологиехэмрэ я илъэси 10 юбилейм и мардэхэми къриубыдэу, КъЧР-м и Іэтащхьэмрэ Красников Геннадийрэ зэдэлэжьэныгъэ зэгурыІуэныгъэ зэдащІыным и кІуэрабгъухэми ирипсэлъащ. ЗэгурыІуэныгъэм къыпэкІуэу проектыщІэхэм лэжьэн щІадзэнымкІэ лъэкІыныгъэ щыІэнущ.
Больше на Черкес хэку
Подпишитесь, чтобы получать последние записи по электронной почте.
