Зауэ операцэ хэхам хэту мамыр гъащIэм хэпсэухьыжын щIэзыдза ди зауэлIхэм къахудохуэ лъэныкъуэ куэдым зрапщытын, Iуэху зэхуэмыдэхэм зыпащIэн, уеблэмэ нэгъуэщI лэжьыгъи яублэн. Апхуэдэ мурад зиIэхэм папщIэ къэралым программэ зэхуэмыдэхэр егъэлажьэ.
Абыхэм ящыщщ хьэрычэт Iуэхур зыублэнухэм ятегъэпсыхьауэ къэралым зэ ты гъуэу ялъигъэс дэIэпыкъуэгъу ахъшэр. Ар ди хэгъуэгум сом мини 100-м нос.
Апхуэдэ дэIэпыкъуныгъэ къылъысащ икIи икъукIэ нэгъэсауэ къигъэсэбэпащ Инжыдж-КIыкIун къуажэм дэс Цекъуэ Алий.
ЩIалэр контракткIэ зауэ операцэ хэхам щыIащ, и унагъуэ IуэхукIэ къыхэкIыжын къыщыхудэхуэм, и лэжьыгъэр фермер хъызмэтым хуиунэтIащ. — Зауэм къыхэкIыжа ди щIалэхэм дежкIэ сыт хуэдэ дэIэпыкъуныгъэми мыхьэнэшхуэ иIэщ. Мыпхуэдэ программэ зэрыщыIэм сыщы гуфIыкIри, си дэфтэрхэр згъэхьэзыращ. ТанитI къызэрысщэхуфын ахъши къыс- Iэрагъыхьащ, — къыддэгуэшащ Алий.
СВО-м и ветераныр гушхуэныгъэ хэлъу къытепсэлъыхьащ зауэ операцэр екIуэкI пэтми, ди къэралым апхуэдэ гулъытэ зауэлIхэм зэрахуищIыфым, зи унагъуэ къихьэжахэм щIэгъэкъуэн зэрахуэхъур зэрылъапIэр.
ЦIыхухэм лэжьапIэ ягъэгъуэтынымкIэ КъЧР-м и кадровэ купсэм и къудамэу Хьэбэз, Абазэ районхэм щылажьэм и унафэщIым и къуэдзэ Урчыкъуэ Фатимэ программэм и гугъу къытхуищIащ: — Мыпхуэдэ дэIэпыкъуныгъэ щIэлъэIуфынущ лэжьапIэ зимыIэ дэтхэнэри. Ауэ ар къалъысынымкIэ нэхъ ипэ идогъэщ СВО-м хэтахэр, быныбэ унагъуэхэм щыщхэр, ныкъуэдыкъуагъ зытелъхэр, — жиIащ Фатимэ.
Апхуэдэ къэрал дэIэпыкъуныгъэ фыщIэлъэIунумэ, къыфIэрыхьэну фыхуеймэ, захуэвгъазэ хъунущ фыздыщIэтха адресым епха кадровэ купсэхэм.
АСЛЪЭНЫКЪУЭ Мадинэ
Больше на Черкес хэку
Подпишитесь, чтобы получать последние записи по электронной почте.
