Iулъхьэм пэщIэту

Урысей Федерацэм и Генеральнэ прокуратурэм жэрдэм ищIащ Iулъхьэм пэщIэт социальнэ хэIущIыIу хэкIыпIэу «Вместе против коррупции!» Лъэпкъыбэ щIалэгъуалэ зэпеуэр мы гъэм иригъэкIуэкIыну.

Зэпеуэм и къалэнщ: Iулъхьэ къэмыгъэхъунымкIэ дауэдапщэхэм, социальнэ антикоррупцэ рекламэхэм зэхэгъэувэнымрэ къэгъэсэбэпынымрэ щIалэгъуалэр къыхэшэныр; Iулъхьэм бэнэныгъэ дегъэкIуэкIыныр зи IэщIагъэу щыт къэрал унафэщI къулыкъухэмрэ цIыхубэмрэ я зэдэлэжьэныгъэр убзыхуныр, а Iуэхум шынагъуэу къыздихьыр дэтхэнэ зымкIи наIуэу зэрыщытынум хуэдэу.

Мы зэхьэзэхуэр гъэунэхуныгъэ зыбжанэкIэ гуэшауэ щытынущ. Нэхъыжь гупхэм хэтхэр (илъэси 10-15, илъэс 16-20, илъэс 21-25 зи ныбжьхэр) щызэпеуэнущ «Плакат нэхъыфI», «Теплъэ нэхъыфI», «Нэтын нэхъыфI» номинацэхэмкIэ. ИкIи абыхэм хэтыфынущ дунейм щIалэгъуалэу тетыр.

Зэпеуэм лэжьыгъэхэр www.anticorruption.life сайтымирагъэхьын хуейщ (антикоррупцэ плакатхэмрэ нэтыхэмрэ) накъыгъэм (майм) и 1-м щегъэжьауэ жэпуэгъуэм (октябрым)  и 1-м пщIондэ, абдежи къыщащIэфынущ зэпеуэм и хабзэхэри, лэжьыгъэхэм уасэ зэрыхуащI щIыкIэри. ЩIалэгъуалэм къыбгъэдэкI лэжьыгъэхэр щIаплъыкIынущ зэпеуэм и хабзэхэм япкъ иту: щхьэж итхам шэч къытрамыхьэу, птхы хъун-мыхъуныр зэпэлъытауэ, нэгъуэщIым ейм къытемыщIыкIауэ икIи къэухь-IэрыщIымкIэ (искусственнэ интеллект) мыгъэхьэзырауэ щытыпхъэщ.

Зэпеуэр къапщытэжа нэужь, абы щытекIуахэмрэ призёр щыхъуахэмрэ дыгъэгъазэм (декабрым) и 9-м ягъэлъэпIэнущ Iулъхьэм бэнэныгъэ дегъэкIуэкIыным и Махуэм.

ЛЫХЬ Тимур