Iуэхур зэхагъэкI

«Адыгэ-Хьэблэ» МОВД-м и Къэрал автоинспекторхэм зэхагъэкI къэхъуа транспорт зэжьэхэуэныгъэ хьэлъэр къызэрыкIа щхьэусыгъуэр, абы ипкъ иту автотранспортым и водителыр зэрыхэкIуэдар. ЩIышылэм (январым) и 11-м сыхьэтыр 9:00-м зэрынэхьэсу, Черкесск къекIуалIэ, «Кавказ» федеральнэ автогъуэгум и е 40-нэ километрым, «Лада Гранта» машинэм и рулым бгъэдэс, зи ныбжьыр илъэс 36-м ит Хьэбэз районым щыщ щIалэр езым и гъуэгум тету кIуэ, хьэлъэзешэ машинэ «Хово»-м жьэхэуащ. Абы и рулым кIэрысащ зи ныбжьыр илъэс 41-м ит, Черкесск къалэм дэсыр. Транспортыр зэрихуэжыну лъэкIыныгъэ имыгъуэтыжу, щIыдэлъху автомобилым и водителыр гъуэгур зыгуэш тросым жьэхэуащ. Игъуэта фэбжьхэм къыхэкIыу «Лада Гранта»-м и водителым и псэр а щIы пIэ дыдэм щыхэкIащ, ме- дицинэ дэIэпыкъуныгъэр къэмыс щIыкIэ. Къэрал автоинспекторхэм зэхагъэкI а зэжьэхэуэныгъэ хьэлъэр къыщIэхъуам и щхьэусыгъуэр. Гу зылъытапхъэщи, зэжьэхэуэныгъэ къыщыхъу зэпыту мы гъуэгу щIыпIэр ялъытэкъым. КАТАГАНОВЭ Гульнарэ, «Адыгэ-Хьэблэ» ОГИБДД-м пропагандэм- кIэ и инспектор, полицэм и майор