Къэрэшей-Черкесым и ЦIыхубэ ЗэIущIэм (Парламентым) и къыкIэлъыкIуэ е 15-нэ сессиер зэхэтащ. ЗэIущIэр щыщIидзэм, Парламентым и спикер Иванов Александр депутат тхылъхэр яритащ ЦIыхубэ ЗэIущIэм и VII зэхуэшэсыгъуэм хэкIахэм япIэкIэ къыхыхьа депутатитIым: Бардаковэ Фатимэрэ Джатдоев Ислъамрэ. Парламентарийхэр адэкIэ хэплъащ сессием къыщагъэлъэгъуа упщIэ 30-м.
Депутатхэм зэхъуэкIыныгъэ халъхьащ «Къэрэшей-Черкес Республикэм юридическэ дэIэпыкъуныгъэ пщIэншэ щыгъэIэным епха Iуэху щхьэхуэхэм ятеухуа» Хабзэм и е 9-нэ статьям. Нэхъыбэ ящIащ юридическэ дэIэпыкъуныгъэ зылъысыну хуит цIыхухэм я бжыгъэр. Ари фигу къэдгъэкIыжынщи, 2013 гъэм и бадзэуэгъуэм и 1-м къыщегъэжьауэ, Къэрэшей-Черкес Республикэм юридическэ дэIэпыкъуныгъэ пщIэншэр цIыхухэм яхузэфIегъэкI «Къэрал юридическэ бюро» республикэ къэрал кIэзнэ къулыкъущIапIэм. ЗэхъуэкIыныгъэ халъхьащ «Къэрэшей-Черкес Республикэм 2025 гъэмрэ 2026, 2027 илъэсхэм я план пIалъэмрэ иIэну республикэ бюджетым теухуа» Хабзэм.
Абы теухуауэ убгъуауэ къэпсэлъащ Къэрэшей-Черкесым финансхэмкIэ и министр Камышан Вадим. Бюджетым и хэхъуэ Iыхьэм зэрыхэплъэжам ипкъ иту, зэхъуэкIыныгъэ халъхьащ 2025 гъэм къагъэсэбэпынур нэхъыбэ зыщI и Iыхьэм. Ахъшэ нэхъыбэ хуаутIыпщынущ Урысей Федерацэм и Президентым бюджет IэнатIэхэм щылажьэхэм я улахуэр хэгъэхъуэным теухуауэ къищта Унафэр гъэзэщIэным, зауэ къулыкъум ираджахэмрэ абыхэм я унагъуэхэмрэ я социальнэ гугъапIэ лейхэм, хущхъуэхэр нэхъыбэу къэщэхуным, медицинэ оборудованэщIэ къызэгъэпэщыным, КъэрэшейЧеркесым узыншагъэр хъумэным пылъ и бэзым и финанс щытыкIэхэр гъэбыдэным. А щIыкIэм иту, 2025 гъэм республикэ бюджетым къигъэсэбэпынур мэхъу сом мелард 44-рэ мелуан 82 — рэ мин 277,5-рэ.
Республикэ бюджетым и проектыр зэхагъэуващ и иримыкъуныгъэр сом 1 мелардрэ мелуан 844-рэ мин 986,9-рэ хъууэ. Къэрэшей-Черкесым и Правительствэм хэIущIыIу ищIащ бюджетыр илъэс екIуэкIым и мазибгъум зэрагъэзэщIам теухуа къэпщытэжыныгъэр.
Больше на Черкес хэку
Подпишитесь, чтобы получать последние записи по электронной почте.
