Къэрэшей-Черкесым и ЦIыхубэ ЗэIущIэм (Парламентым) и зичэзу е 8-нэ сессиер екIуэкIащ. ЦIыхубэ ЗэIущIэм и спикер Иванов Александр и унафэм щIэту парламентарийхэр хэплъащ пленар зэIущIэр зытепсэлъыхьыну къагъэлъэгъуа Iуэху 20-м щIигъум.
Депутатхэр арэзы техъуащ Къэрэшей-Черкесым 2025 гъэмрэ 2026, 2027 илъэсхэм я план пIалъэмрэ бюджетым халъхьэну зэхъуэкIыныгъэхэмрэ.
Къэрэшей-Черкесым финансхэмкIэ и министр Камышан Вадим хэIущIыIу зэрищIамкIэ, 2025 гъэм къаIэрыхьэну хэхъуэхэм я прогноз тегъэчынам къызэригъэлъэгъуамкIэ, планкIэ хьэкълыкъ, мыхьэкълыкъ хэхъуэу къаIэрыхьэнур сом 1 мелардрэ мелуан 27,9-кIэ нэхъыбэнущ. Апхуэдэу, гъа-зэ имыIэу (безвозмездно) къахэхъуэнур ягъэнэхъыбащ сом мелуани 2,7-кIэ.
Псори зэхэту республикэ бюджетым и хэхъуэр 2025 гъэм хъунущ сом мелард 39-рэ мелуан 979, 5-рэ.
Бюджетым и хэхъуэ Iыхьэмрэ илъэс кIуам къела ахъшэхэмрэ Iуэхум къыхалъытэри, ягъэнэхъыбащ къагъэсэбэпыну ахъшэхэр. Абы щыщу:
— сом мелуан 82-рэ хуаутIыпщынущ медицинэ къулыкъущIапIэхэм къатехуэ хьэкълыкъхэр яхуэтынымрэ узыншагъэм кIэлъыплъ бэзыр финансхэмкIэ нэхъыфIу къызэгъэпэщынымрэ; сом мелуан 219,1-рэ — хэгъэщхьэхукIа инфраструк-турэ проектхэр гъэзэщIэным хуэунэтIа Iуэхухэм; сом мелуан 265,5-р — лэжьапщIэ зэрат бэзыр нэхъ зэтегъэпсыхьыным; — сом мелуан 11,9-р — претензионнэ лэжьыгъэр щрагъэкIуэкIкIэ, къэрал пошлинэр ятыным; сом мелуани 108-р — кхъухьлъатэтедзапIэр ухуэ-ным епха Iуэхухэр гъэзэ-щIэным; сом мелуан 99,3-р — сабий куэд зэрыс унагъуэ-хэм социальнэу зэрыдэIэпыкъу Iэмалхэм; сом мелуан 242,1-р — федеральнэ проектхэм хэтыным епха Iуэхухэм.
Больше на Черкес хэку
Подпишитесь, чтобы получать последние записи по электронной почте.
