«Профессионалы-2025» IэщIагъэ IэкIуэлъакIуагъэмкIэ чемпионатым и хэгъуэгу Iыхьэр къызэIуахащ.
Дауэдапщэм къекIуэлIащ зэпеуэм хэтхэр, экспертхэр, хьэщIэхэр.
«Профессионалы» чемпионатыр IэщIагъэ егъэджэныгъэ и лъэныкъуэкIэ мыхьэнэшхуэ зиIэ Iуэхугъуэщ. Ар хуэгъэзащ къызэрыкIуэ лэжьакIуэ IэщIагъэ хэм я пщIэр хэгъэхъуэным, экономикэм зегъэужьынымкIэ, ехъулIэныгъэ зыIэрыгъэхьэнымкIэ абыхэм мыхьэнэшхуэ зэраIэр къэгъэлъэгъуэным.
Мы гъэм хэгъуэгу Iыхьэр республикэм щокIуэкI унэтIыныгъэ 33-мкIэ. Абыхэм ящыщщ агрономиер, копирайтингыр, тучантескассирыр, ухуэныгъэ лэжьыгъэхэр, хьэрычэтыщIэр, техникэ хьэлъэр къэгъэIэрыхуэныр, зыплъыхьакIуэзекIуэ Iуэхутхьэбзэхэр къызэгъэпэщыныр, мэкъумэшхъызмэт машинэхэр къэгъэсэбэпыныр, нэгъуэщIхэри. Зэпеуэм хэтщ республикэм и егъэджэныгъэ IуэхущIапIэхэм къабгъэдэкIа нэрыбги 150-м щIигъу.
«Нобэ идогъажьэ мыхьэнэшхуэ зиIэ Iуэхугъуэр. Абы игъэбелджылынущ зи IэщIагъэм хуэIэижь ныбжьыщIэ нэхъыфIхэр. Мы чемпионатыр зэпеуэ къудейкъым, атIэ зэчийхэм зыздаужь, я зэфIэкIхэмкIэ здызэхъуажэ, я IэщIагъэ лъэкIыныгъэхэр здагъэлъагъуэ утыкущ», — жиIащ Къэрэшей-Черкесым егъэджэныгъэмрэ щIэныгъэмрэкIэ и министр Кравченко Иннэ. Чемпионатым и хэгъуэгу Iыхьэр мы гъэм гъатхэпэм и 14-м нэгъунэ екIуэкIынущ. ТекIуахэм тыгъэ лъапIэхэр хуагъэфэщэнущ. Абы къыдэкIуэуи, лъэкIыныгъэ ягъуэтынущ Къэрэшей-Черкесым къыбгъэдэкIыу финалым зыкъыщагъэлъэгъуэну. КъинэмыщIауэ, чемпионатым ипкъ иту, мастерклассхэр, зэIущIэхэр ирагъэкIуэкIынущ.
Больше на Черкес хэку
Подпишитесь, чтобы получать последние записи по электронной почте.
