Москва къалэм дэт ТекIуэныгъэм и музейм УФ-м шынагъуэншагъэмкIэ и Советым и тхьэмадэм и къуэдзэ, «Зыуэ щыт Урысей» партым и унафэщI Медведев Дмитрий ТекIуэныгъэм и Илъэс 80-м и хьисэпкIэ къызэрагъэпэща «Знание.Первые» марафоным хэтхэм яIущIащ.
Дауэдапщэм еблэгъащ Къэрэшей-Черкесым къыбгъэдэкIа лIыкIуэ гуп — «Знание» Урысейпсо зэгухьэныгъэм и хэгъуэгу къудамэм хэт щIалэгъуалэ жыджэрхэр.
Ищхъэрэ Кавказ къэрал академием и мединститутым и студенткэ Лайпановэ Альбинэ и упщIэм жэуап ириткIэрэ, Медведев Дмитрий къызэхуэсахэм ядэгуэшащ и адэшхуэ-фронтовикхэм жаIэжу щыта гукъэкIыжхэмкIэ: «Си адэмкIи, си анэмкIэ си адэшхуэхэр фронтым Iутащ. Ахэр зауэм тепсэлъыхьыну, лIыхъужьыгъэ зэрахьауэ я щхьэм тралъхьэну яфIэфIтэкъым, сыту жыпIэмэ а илъэсхэр хьэлъэт, гугъут, гукъэкIыжхэри арат зэрыщытыр».
Медведевым зэрыжиIамкIэ, абыхэм яхэлъа Iэдэбыгъэм къигъэлъагъуэт зауэ илъэсхэм адэшхуэхэм яшэча гуауэшхуэр.
Марафоным ипкъ иту, Медведев Дмитрий щIалэгъуалэм «Нобэрей дуней шынагъуэр: хэт ар зи лажьэр, сыт щIэн хуейр?» фIэщыгъэцIэр зиIэ лекцэ къахуеджащ.
КъЧР-м и Iэтащхьэмрэ и Правительствэмрэ я пресс-къулыкъу
Больше на Черкес хэку
Подпишитесь, чтобы получать последние записи по электронной почте.
