Хэкум и ЛIыхъужьым и Махуэм ипкъ иту, Росгвардием и Управленэм и вневедомственнэ хъумакIуэхэм хэкупсэ дерс щрагъэкIуэкIащ Черкесск къалэм дэт, зи № 15 курыт еджапIэм. Абы къыхашащ егъэджакIуэхэр, еджакIуэхэр, уеблэмэ адэ-анэхэр.
Полицэм и майор Эркеновэ Марьянэ еджакIуэхэм я пащхьэм къыщыпсалъэм гу лъитащ лъэхъэнэ зэхуэмыдэхэм псэуахэм зэрахьа лIыхъужьыгъэхэр хъумэным къызэрымыкIуэу мыхьэнэшхуэ зэриIэм. Къытепсэлъыхьащ а махуэщIым пкъырылъ мыхьэнэм, щапхъэуи къихьащ зэман зэхуэмыдэхэм Хэкум и щхьэхуитыныгъэм зи гъащIэр щIэзытахэр, хахуэу щIэзэуахэр, бийм ди щIыналъэр щызыхъумахэр. Иужьым, Росгвардием и къулыкъущIэхэр щхьэихауэ къытепсэлъыхьащ махуэщIым и къежьапIэм, абы и нагъыщэхэмрэ лIыхъужьхэмрэ, апхуэдэхэм я лIыгъэм ноби щIалэгъуалэр зэрагъэгушхуэм. Къыхагъэщащ гулъытэ зэрыхуащIыр Росгвардием и къулыкъущIэхэм зэрахьэ лIыгъэм, абыхэм къэралым и шынагъуэншагъэм хуащI хэлъхьэныгъэм. НыбжьыщIэхэр жыджэру хэлэжьыхьащ хэкупсэ дерсым, уеблэмэ абдеж зытепсэлъыхьа упщIэхэм: къэралым и тхыдэ блэкIам къыхэщ лIыхъужьыгъэхэм ятеухуауэ нэхъыбэ зрагъэщIэну зэрыхуейми и гугъу ящIащ. ЕгъэджакIуэхэм, адэ-анэхэм къалъытащ апхуэдэ зэIущIэхэм, зэпсэлъэныгъэхэм щIэблэр хэкупсэу къэгъэтэджынымкIэ, зыщыпсэу къэралым и лIыхъужьхэм щыгъуазэу щытынымкIэ фIагъ хэлъу.
КОВАЛЕНКО А., Росгвардием и Къэрэшей-Черкес Управленэм и пресс-къулыкъум жэуап зыхь и гъэзэщIакIуэ
Больше на Черкес хэку
Подпишитесь, чтобы получать последние записи по электронной почте.
