Абхъаз Республикэм и Президенту хаха Гунбэ Бадрэ и инаугурацэм Къэрэшей-Черкес Республикэм къыбгъэдэкІыу лІыкІуэ гуп щыІащ, республикэм и Іэтащхьэ Темрезов Рэшид я пашэу. Ди хэгъуэгум щыпсэухэм, и щхьэкІэ къыбгъэдэкІыу Абхъазым и Президентым ехъуэхъуащ Темрезов Рэшид. «Гунбэ Бадрэ Зураб и къуэр — политик Іэзэщ, Хэкум къулыкъу хуэщІэнымкІэ зэфІэкІышхуэ къигъэлъэгъуащ и гуащІэдэкІ илъэсхэм къриубыдэу. А псори цІыхубэм къыхилъытащ ар республикэм и Президенту щыхихым.
Ди нэрылъагъущ хэхыныгъэхэм абхъаз цІыхубэр, Абхъазым щыпсэухэри, къэралым и дэнэ хэгъуэгу щыпсэухэри зэрыхэтари, Абхъазым и пашэщІэм ІуэхуфІхэмрэ мурадыщІэхэмрэкІэ зэрыщыгугъри.
Абхъазым и тхыдэр бейщ, щэнхабзэ, хабзэ дахэхэр къыдокІуэкІ, турист, экономикэ къэкІуэныфІ иІэщ. Къэрэшей-Черкесымрэ Абхъазымрэ я цІыхубэм гъуэгуанэ хьэлъэ къызэдакІуащ икІи абы тещІыхьа зэныбжьэгъугъэ, зэгъунэгъугъэ зэхущытыкІэ угъурлы яку дэлъщ. Абы дрогушхуэ, ар дэркІэ лъапІэныгъэщ. Къэрэшей-Черкесыр сыт щыгъуи щытащ, дяпэкІи апхуэдэу щытынущ: ныбжьэгъу пэжу, экономикэ, социальнэ, щэнхабзэ, дин зэхущытыкІэфІхэр ядэзыщтэу.
Шэч къытесхьэкъым, ди хэгъуэгухэм, ди къэралым я зыужьыныгъэм и лъабжьэхэм ящыщщ ди зэдэлэжьэныгъэмрэ ди зэкъуэтыныгъэмрэ.
Сохъуэхъу Гунбэ Бадрэ Зураб и къуэр зытехьа ІэнатІэмкІэ! Шэч къытесхьэкъым, къуэш Абхъаз Республикэм къыпоплъэ зэпІэзэрытыныгъэмрэ зыужьыныгъэмрэ!», — щитхащ ТГ-м хэгъуэгум и лІыщхьэм
Больше на Черкес хэку
Подпишитесь, чтобы получать последние записи по электронной почте.
