«МАШЕНЬКЭ и илъэсыщIэ пщIыхь» фIэщыгъэцIэр зиIэ, гуащэ лIыхъужьхэр зыхэта сабий таурыхъ гъэщIэгъуэн щIэщыгъуэу щагъэлъэгъуащ Куэш-Хьэблэ къуажэм дэт сабий IыгъыпIэм.
Нану нэхъ цIыкIу дыдэхэм папщIэ утыку ирахьа таурыхъым хэтащ: къэхъугъэр къыжызыIэжар, дадэр, нанэр, пщащэ цIыкIу Машенькэ, тхьэкIумэкIыхьыр, дыгъужьыр, бажэ хьилэшыр. Мы таурыхъыр сабийхэм я пащхьэ къилъхьэным хэлэжьыхьащ, абы хэта лIыхъужьхэм я ролхэр ягъэзэщIащ цIыкIухэм я гъэсакIуэхэу ПIапIшу Муминат, Мэлыхъуэжьхэ Фатимэрэ Сэтэнейрэ. Таурыхъым и макъамэ лъэныкъуэр къызэзыгъэпэщар Мамыжь Iэминатщ. — Нану цIыкIухэм сытри нэхъыфIу зыхащIэ, къагуроIуэ таурыхъ IэмалкIэ я пащхьэ щиплъхьэкIэ. Абы папщIэ, сыт хуэдэ гъэсэныгъэ лэжьыгъэми мыпхуэдэ теплъэгъуэхэр щхьэпэщ, сэбэп къэзыхьынщ. Нанум и къэухьым хуабжьу зрегъэужь, фIым хуегъасэ, хуеущий, псэущхьэ лIыхъужь цIыкIухэм къажьэдэкI псалъэхэм ящыщу нэхъыбэ зрегъэцIыху, и бзэм зрегъэужь. А псоми къадэкIуэу, шыIэныгъэ хэлъу даIуэу, къэхъум кIэлъыплъу хуегъасэ. А хьэл-щэнхэр сабийм цIыкIу щIыкIэ хэлъхьэпхъэщ, — къыддэгуэшащ сабий IыгъыпIэм и музыкальнэ унафэщI Мамыжь Iэминат.
ЩОХЪУЖЬ Л.
Больше на Черкес хэку
Подпишитесь, чтобы получать последние записи по электронной почте.
