Къэрэшей-Черкес Республикэм и Iэтащхьэ Темрезов Рэшид яхуэщыгъуащ республикэм и журналист цIэрыIуэ ДАУР Жэхьфэр Ахьмэд и къуэр дунейм зэрехыжам папщIэ, абы и унагъуэм, и лъэ пкъым, и Iыхьлыхэм.
«ГущIыхьэ хъыбар къытIэрыхьащ. Дунейм ехыжащ Хэку зауэшхуэм и ветеран, журналист, тхакIуэ, усакIуэ цIэрыIуэ, цIыху хэкупсэ, пщIэрэ щIыхьрэ зыхуэфащэу къытхэта Даур Жэхьфэр Ахьмэд и къуэр. Абы илъэс 50-м щIигъукIэ и гуащIэ щигъэтIылъащ «Черкес хэку» газетым, къинэмыщIауэ, штатым хэмыт и корреспонденту щытащ КПСС-м и ЦК-м епха «Сельская жизнь» газет цIэрыIуэм.
ТхакIуэм урысыбзэкIи, адыгэбзэкIи и Iэдакъэ къыщIэкIащ тхылъ 30-м щIигъу. Даур Жэхьфэр и гъащIэр — дуней еплъыкIэ жыджэ рым, Хэкум псэемыблэжу хуэщыпкъэнымрэ фIыуэ лъагъунымрэ я щапхъэ къызэрымыкIуэщ. Дыщыгъуазэщ, Хэку зауэшхуэр екIуэкIыу, нэмыцэ-фашист зэрыпхъуа кIуэхэм зэхэуэ хьэлъэхэр Жэхьфэр зыщыпсэу къуажэм и Iэхэлъахэм щрагъэкIуэкIыу, зи ныбжьыр илъэс 11-м ит ныбжьыщIэр уIэгъэ зэрыхъуауэ щытар, и ныбжьэ гъумрэ езымрэ красноармейцыр кърагъэлын я мураду здепщылIэм. Жэхьфэр Ахьмэд и къуэм апхуэдэ и хахуагъ хьэлым къегъэлъагъуэ ар хэкупсэу зэрыщытар, зыщалъхуа щIыналъэм хуиIа фIылъагъуныгъэ иныр. Адрей и лIыхъужьыгъэхэри, гуащIэдэкI лэжьы гъэм къыщилэжьахэри, ма щIэкъым, щIыхь ин зыхуэфащэ защIэщ. Абыхэм ящыщщ «За доблестный труд в Ве ликой Отечественной войне 1941-1945 гг.» медалыр, Жуковым и медалыр; щIы хьыцIэ лъагэхэр: «Заслужен ный работник культуры РСФСР», «Заслуженный жур налист КЧР», нэгъуэщIхэри. Зыщалъхуа щIыналъэм, и хэку цIыкIум я зыужьы ныгъэм хэлъхьэныгъэ мыкIуэщI хуэзыщIа Даур Жэхь фэр республикэм и нагъыщэ нэхъ лъапIэ дыдэр – «За заслуги перед Карачаево Черкесской Республикой» орденыр къыхуагъэфэщащ.
Си гум къыбгъэдэкIыу щыгъуэ псалъэхэр яхузо гъэфащэ Даур Жэхьфэр къыдалъхуахэм, и унагъуэм, и Iыхьлыхэм, и лъэпкъым. ЩыIэжкъым пщIэ зиIэ, щIыхь куэд къэзылъэща, псоми къахэщу яхэта Къэрэшей Черкесым и къуэ зэчиифIэр. Абы и фэеплъыр ягу ихунукъым фIыуэ зылъа гъуу, пщIэ хуэзыщIу щыта хэм, и тхылъхэми къинэнущ», — щитхащ ТГ каналым щиIэ напэкIуэцIым республикэм и лIыщхьэм
Больше на Черкес хэку
Подпишитесь, чтобы получать последние записи по электронной почте.
