Мы гъэм хэгъуэгу 20-м щIигъум щылажьэ медицинэ IуэхущIапIэхэм я приемнэ къудамэхэр зэрызэрагъэзэхуэжыну мылъку къаIэрыхьэнущ. Абы папщIэ сом мелард 11,4-рэ къызэрыхагъэкIынум ехьэлIа унафэм Iэпэ щIидзащ УФ-м и Правительствэм и тхьэмадэ Мишустин Михаил.
Федеральнэ ахъшэр хуаутIыпщынущ зыхуэгъэзэныгъэр къызыбгъэдэкIа хэгъуэгу 21-м. Апхуэдэу, Къэрэшей-Черкесым къыIэрыхьэнущ сом 564300-рэ. КъинэмыщIауэ, субсидие хуагъэкIуэнущ Алтай, Дагъыстан, Донецк, Къэбэрдей-Балъкъэр, Кърым респуб-ликэхэм, Ставрополь крайм, Белгород, Курск, Оренбург, Ростов, Смоленск, Тамбов, Тульскэ областхэм.
А ахъшэмкIэ приёмнэ къудамэхэр зэрагъэзэхуэжынущ, языныкъуэ сымаджэщхэм деж сымаджэ хьэлъэ дыдэхэм зэгъэтIылъэкI зимыIэ япэ медицинэ дэIэпыкъуныгъэ зэрыщрагъэгъуэтыным хуагъэпсынущ.
ЕЗАУЭ Маринэ
Больше на Черкес хэку
Подпишитесь, чтобы получать последние записи по электронной почте.
