Къэрэшей-Черкесым и Iэтащхьэ Темрезов Рэшид республикэм ТКО-м зэрыщелэжь бэзыр зэрызэтегъэпсыхьам теухуауэ зэӀущӀэ иригъэкӀуэкӀащ. Мы Ӏуэхур ди хэгъуэгум ит къуажэ зэмылӀэужьыгъуэхэм щыпсэухэм я дежкӀэ мыхьэнэшхуэ зэриӀэр къегъэлъагъуэ абы куэд зэрыщӀэупщӀэм.
Ар щыӀуащ республикэм и лӀыщхьэм иригъэкӀуэкӀа «эфир занщӀэ»-м дежи. Гулъытэ хэха хуащӀащ инфраструктурэр егъэфӀэкӀуэным, ӀэрыщӀу къагъэхъуа пхъэнкӀий идзыпӀэхэр гъэкӀуэдыжыным, цӀыхухэм ирагъэгъуэт Ӏуэхутхьэбзэм и фӀагъым хэгъэхъуэным, хэгъуэгу операторхэм я лэжьыгъэр нэӀэм щӀэгъэтыныр щӀэгъэхуэбжьэным КъЧР-м щӀыуэпсымрэ дунейм и хъугъуэфӀыгъуэхэмрэкӀэ и министр Кочкаровэ Дианэ хэгъуэгум и лIыщхьэр щигъэгъуэзащ ТКО-м зэрелэжьынымкӀэ проектыщӀэм.
НобэкӀэ дэфтэрыр зэдащтащ зи хьэлэмэт хэлъ федеральнэ, гъэзэщӀакӀуэ властым и къулыкъухэм, апхуэдэу «Урысей экологие оператор» ППК-м. Абы и мурад нэхъыщхьэр — «ЩӀыуэпс зэӀузэпэщыныгъэ» лъэпкъ проектым хыхьэ «Экономика замкнутого цикла» федеральнэ проектыр гъэзэщӀэнымкӀэ мурадхэр зэгъэхъулӀэнращ, абыхэм ящыщщ щӀыналъэ операторхэм я лэжьыгъэм и фӀагъыр къэӀэтыныр. Темрезов Рэшид къыхигъэщащ а лэжьыгъэм и къалэнхэр сэбэп хэлъу гъэзэщӀэным мыхьэнэ зэриӀэр.
«ТКО-м елэжьынымкӀэ бэзым и фӀагъыр къэӀэтыным ди цӀыхухэм я псэукӀэм и тыншагъымрэ и фӀагъымрэ елъытащ», — къыхигъэщащ республикэм и Ӏэтащхьэм.
Больше на Черкес хэку
Подпишитесь, чтобы получать последние записи по электронной почте.
