Ди журналист лэжьыгъэм тегъэщIапIэ хуэхъур лъэпкъ Iуэхуращ. Лэжьыгъэ программэр щызэхагъэувэм, шэч къытетхьэтэкъым, Дунейпсо Адыгэ Хасэм и тхьэмадэ Сэхъурокъуэ Хьэутий зэпсэлъэныгъэ зэрыдедгъэкIуэкIынум. Анчокъуэ Иринэрэ сэрэ а зэIущIэм дигъэпIейтейт икIи дыхуэхьэзырт. АтIэ, ДАХ-м и лэжьыгъэр, абы и Президентым и IуэхущIафэхэмрэ и лэжьыгъэ бгъэдыхьэкIэхэмрэ журналист куэдым къагъэлъэгъуащ. Дэри ди зэпсэлъэныгъэм зыздиукъуэдиин лъэныкъуэхэри къэщIэгъуейт, абы къыдэкIуэуи журналист хьэлыр къытхуигъэушу тфIэгъэщIэгъуэнт…
КъЧР-м и Адыгэ Хасэм и Советым сыхэткIэрэ, си насып куэдрэ къихьащ ДАХ-м и Конгрессхэм сыщIэсыну, хэхыныгъэхэм сыхэплъэну, Iэ щысIэтыну. Апхуэдэ зэIущIэхэм сыхэтыхукIэ, згъэщIагъуэр зыт — ДАХ-м и тхьэмадэм сыхьэт бжыгъэкIэ пэшышхуэм щIэсыр щыму къедэIуфу, и жыIэм пщIэ иIэрэ, и псалъэм пэрыуэгъу зыри къыхуэмыхъуу жылагъуэр зэрызэтриIыгъэфыр… АтIэ, Сэхъурокъуэм Iурылъ адыгэбзэ къабзэмрэ, дипломат псэлъэкIэ гъэтIысамрэ удэзыхьэхщ. Хьэутий и хэщIапIэм дригъэблагъэу, нэIуасэ зыкъытхуищIа нэужь, гуапэу дызэпсэлъащ.
Зэпсэлъэныгъэм убгъуауэ газетым фыщеджэфынущ https://cherkes-haky.ru/wp-content/uploads/2024/11/Сэхъурокъуэ-Хь.pdf