КъЧР-м и Iэтащхьэ Темрезов Рэшид къызэригъэпэща, спецоперацэм хэтхэмрэ абыхэм я унагъуэхэмрэ ядэIэпыкъунымкIэ Зыуэ щыт хэгъуэгу штабым иригъэкIуэкI лэжьыгъэм ипкъ иту, мы махуэхэм гуманитар машинэ яутIыпщащ щыгъын хуабэкIэ, псы къабзэкIэ, зэрызагъэкъабзэ пкъыгъуэкIэ, спецтехникэкIэ узэдауэ.
Техникэр ди хэкуэгъу зауэлIхэм папщIэ къэзыщэхуар Черкесск къалэм и мэриеращ. Вездеходым къинэмыщIауэ, мэрием къызэригъэпэщащ сэлэти 100-м щIигъум ятехуэ щIымахуэ вакъэхэр, щыгъынхэр, къэзыхъумэ зауэлI фащэхэр. Мы гуманитар дэIэпыкъуныгъэр зэхуэхьэсыным и гуащIэ Iыхьэ хэлъщ Ищхъэрэ-Кавказ къэрал академием, абы щеджэ студентхэм ядащ щIагъщIэлъ хуабэу 500. А псоми нэмыщIкIэ, Росреестрым КъЧР-м щиIэ Управленэм къыбгъэдэкIыу къулыкъущIэхэм хуашащ гъуэзкIэ ягъэплъ хьэкухэр. Мы Iуэхум хэлэжьыхьащ Адыгэ-Хьэблэ, Хьэбэз районхэм я администрацэхэри, республикэм и предприятэ зыбжани. Щхьэж хузэфIэкIым елъытауэ, зауэлIхэм къыхуащтащ нэхъ зыхуэныкъуапхъэ пкъыгъуэрэ псырэ. ЩIыдгъужынщи, Хэкум и хъумакIуэм и Махуэм ирагъэхъулIэри, ди республикэм лъэпкъыбзэхэмкIэ къыщыдэкI газетхэмрэ «День республики» газетымрэ зэгъусэу ягъэхьэзыращ зауэлIхэм ятеухуа къыдэкIыгъуэ.