Зауэ операцэ хэхам щыIэхэм ядэIэпыкъунымкIэ лэжьыгъэр зэпымыууэ ди республикэм щрагъэкIуэкI.
Мы зэм, «рабица» гъущI сеткэ зэтешыхьа 70-м нэс, гъущI Iунэ, гъущI кIапсэ, СВО-м щыIэ ди зауэлIхэр зыхуэныкъуэ нэгъуэщI хьэпшыпхэр зэхуахьэсри зы машинэ из хуаутIыпщащ. КъЧР-м щыщу СВО-м хэт зауэлIхэм ядэIэпыкъунымкIэ республикэм и Iэтащхьэ Темрезов Рэшид и жэрдэмкIэ къызэрагъэпэща штабым а Iуэхур зэригъэзэхуащ.
— КъЧР-м и Iэтащхьэ Темрезов Рэшид и унафэкIэ нобэ СВО-м щыIэ ди щIалэхэр зыхуэныкъуэхэр яхудогъашэ. Хьэпшыпхэр зэхуэтхьэсащ «Копилка победы» акцэм ипкъ итуи ди республикэм щыпсэу цIыхухэм зэхадза ахъшэм сыт щыгъуи ди зауэлIхэм дэIэпыкъуэгъу яхуэхъу цIыхухэм, — жиIащ #Мы вместе Урысейпсо волонтер зэщIэхъееныгъэм и хэгъуэгу штабым и унафэщI ХьэкIырэ Ася.
СВО-р здекIуэкI щIыпIэм пилотыншэу лъатэ аппаратхэр куэду къыщагъэсэбэп зэрыхъурэ, ди зауэлIхэм захъумэнымкIэ хуабжьу щхьэпэщ «рабица» жыхуиIэ гъущI сеткэр. АбыкIэ щIытIхэр, блиндажхэр, нэгъуэщI хъумапIэ щIыпIэхэр яузэд. Ди сэлэтхэм я гъащIэр хъумэнымкIэ ар сэбэпынущ.